Kanínur eru fyrirtaks inni gæludýr, þær eru frábærir persónuleikar og geta verið mjög skemmtilegar. Samt sem áður er mikilvægt að huga að ýmsu áður en ákvörðun er tekin um að taka kanínu inn á heimilið. Það er auðvelt að týna sér í eftirvæntingunni eftir nýju gæludýri en á sama tíma er brýnt að meta það vel hvort hægt er að veita gæludýrinu, í þessu tilfelli kanínu, gott framtíðarheimili.
Húsnæði: Kanínur eru félagslynd dýr. Það er mikilvægt að huga vel að staðsetningu aðstöðunnar sem ætluð er kanínunni (þetta getur t.d. verið hvolpagrind, stórt búr eða einfaldlega svæði með mat, kanínuklósetti og pappakassa). Ganga þarf úr skugga um að kanínan hafi sitt einkapláss en sé samt ekki alveg aðskililn fjölskyldunni. Kanínur hafa ríka þörf fyrir samskipti og hreyfingu og þær þurfa einnig að hafa eitthvað við að vera.
Að gera umhverfið kanínuvænt: Ef ætlunin er að leyfa kanínunni að hlaupa frjálsri innanhúss eða í afmörkuðu herbergi er nauðsynlegt að gæta þess að húsakynnin séu kanínuvæn. Jafnvel þó að henni sé búið svæði innan hvolpagrindur eða í búri þá þarf að gera ráðstafanir til að vernda umhverfið fyrir kanínunni þegar henni er hleypt út til hreyfingar undir eftirliti. Kanínur eru í eðli sínu forvitnar skepnur og þær munu finna sér leið að tölvuvírum, snúrum, húsgögnum, teppum, mottum o.fl. Þær geta jafnvel átt það til að éta pappír og gera þá engan greinamun á því hvort um mikilvæg skjöl er að ræða eða eitthvað annað.
Tómstundir og leikir: Kanínur eiga það til að koma sér í vandræði ef þeim leiðist. Hafi þær ekkert við að vera gætu þær tekið upp á því að naga á eigum þínum sér til gamans. Pappakassi sem fylltur er af tómum rúllum undan salernispappír, gömlum símaskrám eða öðrum pappírsvörum sem hægt er að sjá af er gott dæmi um fyrirtaks leikfang fyrir kanínur.
Að húsvenja: Það getur tekið á að húsvenja kanínu en lykillinn að árangri á því sviði er þrautseigja og stöðug efling góðra siða.
Fæði: Það er mikilvægt að hafa góðan skilning á næringarþörf kanínunnar, allt hennar æviskeið. Góð næring (og í hæfilegu magni) er velferð hennar lífsnauðsynleg. Trefjar eru veigamesti þáttur fæðis hjá kanínum og það er nauðsynlegt að hún hafi alltaf ótakmarkaðan aðgang að heyi.
Eru kanínur heppileg gæludýr fyrir börncscart_ Kanínum líður best á jörðinni svo það er ekki víst að þær njóti þess að láta taka sig upp og halda á sér. Af þessum sökum eru kanínur góð gæludýr fyrir fullorðna einstaklinga og stálpuð börn undir eftirliti en henta ekki yngri börnum. Kanínur þurfa á ástríkum og þolinmóðum eigendum að halda sem eru viljugir til að eyða hellings tíma með þeim. Þær lifa í 8- 12 ár svo að kanína er langtíma skuldbinding.
Þú getur fræðst nánar um allt ofantalið með því að lesa yfir greinarnar okkar.
